林家棟早前在廣州拍攝當地的百佳購物廣場電視廣告。家棟在廣告中反轉廣州街市大格價，但他卻搞搞震冇幫襯，令到街市檔主紛紛驅逐他。
林家棟早前遠赴廣州，為在當地的百佳購物廣場拍攝電視廣告，而整個拍攝過程為期三日。家棟在廣告中飾演一個戴上精明眼鏡的格價專家，他在三日內穿梭廣州各大街市及店舖格價，到最後他當然推薦百佳的貨品價錢最經濟實惠。
家棟拍攝當日在廣州一個街市內，實地考察糖果檔、海味檔及蔬菜檔等之價錢，但他卻「搞搞震冇幫襯」，所以檔主一見格價專家殺到，便即時使出一推二鬧三趕客的招數。而在場亦有不少市民圍觀湊熱鬧，他們又不時用閃燈拍照及楔位向家棟攞簽名，令場面頗為混亂。
及後家棟在百佳超市內，須以普通話介紹貨品，但因家棟的國語並不流利，頻頻NG之餘，還講到他滿頭大汗，令他累得當堂跪地求救呢。
對於在廣告中扮厚臉皮的格價專家，家棟就笑說：「唔係厚臉皮嘅，因為呢間百佳除咗車同樓之外，係乜都有得賣，所以條片至介紹周圍格價。雖然喺街市拍嘅時候，俾好多人圍住，但咁咪重好，多啲人熱鬧啲，冇人睇重怪呀，所以我一啲都唔尷尬。」
記者朱芷瑩廣州直擊