李嘉誠妹夫查文宗辭世，昨晚設靈，今日大殮，遺體安葬柴灣佛教墳場。
喪禮採佛教儀式，昨午三點幾已見法師在場做法事，及後見莊學山夫婦到場致祭，花圈陸續送到，有鄭裕彤父子的，當然重有好多名人嘅。
傍晚七點幾，誠哥到場，記者圍埋去，保鑣擋住，誠哥就叫保鑣讓記者影相，至於啲問題，佢就話：「對唔住，今日我唔想喺度講嘢。」現場所見，佢好傷心。
兩分鐘之後，李澤鉅亦出現，佢一身黑色衫，神情肅穆。
（圖）李嘉誠（左二）、兒子李澤鉅（右三）及媳婦王富信（右二）昨往靈堂拜祭查文宗，三人皆神情嚴肅。
E-mail：