前晚趙學而與林曉峰（阿Lo）主持《勁歌金曲》時，疑因為爭對白而鬧意見，二人互相單打，火藥味十足。事後學而表示與阿Lo的爭拗當是補償初三赤口當日冇嗌交，而阿Lo則指是為搞氣氛。
林曉峰（阿Lo）與趙學而兩位主持人前晚錄影《勁歌金曲》期間，疑因阿Lo一時口快講埋學而對白，引起學而不滿，二人在不用錄影時單單打打，令現場火藥味十足。不過事後阿Lo解釋因為前晚的嘉賓陳慧琳（Kelly)較靜，他為搞氣氛才與學而互窒。
前晚節目開始時，阿Lo見台下工作人員頻頻做手勢，為免超出錄影時間，於是一口氣在十秒內講完他與學而的對白，沒料到此舉惹來學而不滿。錄影完該部分後，學而即向阿Lo說：「你可唔可以唔好一輪嘴講呀，你講晒啦！」其時阿Lo沒好氣說：「你話乜咪乜囉，唔怪得冇人同你同枱食飯。」阿Lo所講，明顯是指學而與《皆大歡喜》劇中演員不和，沒有人肯與她同枱食飯一事。
阿Lo又說：「你鍾意講咪畀你講晒佢囉。」但學而卻一口拒絕說：「唔好啦，你講得咁流暢。」阿Lo亦不甘示弱回敬：「去廁所咩，流暢！真係唔怪得之冇人同你同枱食飯。」阿Lo一而再地提起學而的是非，氣得學而七孔生煙說：「我要同你割席。」
事後阿Lo卻聲稱只是與學而玩吓，他說：「我哋只不過好認真咁玩，Kelly比較靜，咪搞吓氣氛囉！佢話割席，係話割我隻鞋啫（指NikeWoven），貴嘢嚟㗎，不過我買得好平，錢嘉樂喺日本買九千幾，我喺香港買二千幾。」
記者及後追問學而被阿Lo單打一事時，她解釋說：「年初三赤口冇同佢嗌交，咁今晚（即前晚）咪嗌吓囉，幾開心吖。」至於被阿Lo翻舊帳，指沒有人肯與她同枱食飯，學而滿不在乎說：「我成日同人分枱食飯㗎啦，又唔係好熟，如果唔係咁，你哋邊有嘢寫吖，大家高興啫。」
接二連三發生不和事件，難道學而不擔心被指為是非精？學而說：「冇所謂，娛樂圈係是非圈，唔出聲都有人講，開心過一日咪得囉，我都踏入化境。」
此外，有報道指Kelly為自組公司而將豪宅賣掉，Kelly表示她確有賣樓之意，但並非為自組公司，她說：「我之前想賣樓，但價錢唔好。我唔會自組公司，如果係，都只會係鍾珍啫。」
採訪：馮美茵
攝影：陳志嵐