傅天穎（奀妹）農曆新年返咗台灣過年，同屋企人團圓之外，重親自下廚煮餐靚飯畀媽咪同婆婆食，估唔到奀妹出得廳堂，亦入得廚房，佢煮出嚟嘅餸睇落都幾吸引㗎。
奀妹作為台灣姑娘，最叻梗係煮台灣特有嘅蛋餃，佢用煎好嘅雞蛋做皮，包住啲豬肉，包到好似水餃咁，別有一番風味。奀妹重煮咗海鮮湯、炒茄子、粉絲炒蟹、滷味拼盤同埋蒸魚，賣相都唔錯㗎。
𠵱家好少女仔識整幾味，奀妹煮餸有一手，一定有好多男仔追求，不過佢話：「我情人節喺屋企過，我屋企人唔贊成我拍拖，話應該專心事業先喎，所以之前有個花心有錢仔追我，我都拒絕咗。」奀妹話𠵱家傾緊部上海拍嘅電視劇，有機會都想喺上海開餐廳。
喺三個環選美出嚟嘅牛豆腐，原來佢冧仔有一手之外，冧女都耍家。雖然佢一出道就搵到個富貴江湖大佬照住，令佢可以唔使點做都有樓揸手，之但係佢真正性取向係女嗰邊，佢選美時候就已經有個豆腐婆成日做柴可夫，車佢出出入入，但入行之後就飛起人。之後佢重同個好有名嘅豆腐模特兒喺埋一齊，點解咁都唔俾外間發覺，係因為呢個豆腐Model都好識得掩飾，搵個基老公做擋箭牌，表面係夫妻，私生活就各有各玩。
最近圈中有個男星喺外地搵齊班Friend開派對，團中有兩個身負送外賣重任嘅鬼妹，加埋喺呢個圈滾咗有成六年都重係二打六「拱橋」。至於點解要三件咁多，冇計啦，男
靠賣唱嘅大眼丸冇唱一段日子，好在有個戇直男友一直照住，唔驚冇飯開。雖然大眼丸個戇直男友唔係話有錢人，都總算有番啲積蓄，而且佢重好錫女友。大眼丸入行前出名係Wet妹，有段時間重黐埋個有錢仔度，搞到有病。但佢個戇直男友唔介意不特止，重帶佢去睇婦科。
一對盛傳搞緊離婚嘅名人夫妻，雖然對呢段破裂嘅婚姻三緘其口，不過馮仁昭收到風，話今次提出離婚嗰個係多次去偷食嘅老公，唔係死忍爛忍嘅老婆。因為個老婆唔想離婚，怕就此打回灰姑娘原狀。只可惜個老公已經完全唔放佢在眼內，重嫌個老婆篤眼篤鼻。個老婆又冇經濟能力，如果離婚，撫養權會歸老公嘅機會大，而且按照佢畀老婆𠵱家嘅生活費，睇怕贍養費都唔會多。個老公計過條數，所以主動提出離婚。
圈中有個玉女，唔知點解入行冇幾耐就好鬼憎記者，入行不久就同班Friend講，話有日若果佢紅到好似影后張曼玉咁，就唔准半個記者埋佢身，做訪問同影相都要隔開三呎遠，兼做十五分鐘就要鬆人。佢立下呢個「毒誓」時，係就係叫有前途新人，但佢都唔使咁寸，以為自己一定有排紅。雖然今日佢重叫好矜貴，但係佢啲臭寸態度喺傳媒心目中已經扣晒分。不過馮仁昭諗極都諗唔明，玉女啱啱出道時啲記者有乜得罪佢，對班記者咁深仇大恨。