話說上星期阿董攞住七百零六個提名去選舉事務處交表，八方同班行家猛咁睇啲簽名都搵唔到滙豐總經理柯清輝個大名，唔通滙豐嬲特首唔委任佢哋入行會，所以企硬抗議？
當然，在商言商，呢個一定無可能。於是八方四圍問，知道柯生其實人不在港，更發現佢係「多仔公」，有四個仔，全部都喺加拿大居住，所以佢老兄在農曆年前一早去咗楓葉國探親，攞唔齊佢啲資料，結果搞出個大頭佛，第二日提名名單公開，柯生榜上無名。
既然係一場誤會，老董都唔會放在心頭。柯清輝洪承禧都支持晒，老董在商界一組攞足滿分，真係好有面子。
E-mail：