立法會七個男人齊齊去加拿大訪問，日前去到多倫多探訪一間頤康中心時，出現一個感人場面。話說黃宜弘喺中心行嚟行去時，見到一個熟口熟面嘅老人家，諗真啲，呢位咪係佢五七年在皇仁書院畢業時嘅校長謝振有！
謝校長今年已經九十七歲，移咗民去加拿大，𠵱家喺頤康中心護理院住；兩人相認之後都好開心，異地重逢，係特別難能可貴嘅。
講開呢個訪問團，一定記得議員坐商務客位事件。八方有同事噚日在多倫多問肥仔李華明，因乜事最終都要坐商務位去，佢畀咗個好有趣嘅答案，佢話對大部分分量重嘅訪問團員嚟講，坐商務位有一定需要，唔係乜嘢愛面子、講享受嘅問題喎！
（圖）立法會幾個猛男去加拿大訪問，探訪多倫多華人社區嘅頤康中心，參觀廚房。
E-mail：