做記者做咗三十八年真係唔簡單，《南早》嘅Ｃ.Ｙ.Yu余聰賢宣布掛靴，今晚班行家及友好喺利舞臺彩虹館同佢擺咗四圍酒慶祝。
CY肯定好細個就出道加盟《南早》，八方聽聞佢大大小小嘅獎項攞過無數，行內人士形容佢縱橫攝影界幾十年，睇嚟真係唔嘢少，各位讀者如果鍾意睇靚新聞相片，回顧一下香港歷史，下個月《南早》為余兄喺金鐘太古廣場搞個影展，到時可以去睇吓。
至於退休後嘅生活，大家唔使為余兄擔心，因為《南早》出名福利好，攞住筆退休金去環遊世界，真係羨慕死人，加上佢又鍾意影相，實在一樂事也。
E-mail：