昨日睇報紙見到個訃聞，超人李嘉誠個妹夫查文宗年初三辭世，下周一大殮。希望佢家人節哀。
李嘉誠有兩弟一妹，皆非常低調。去年佢二弟李嘉昭醫生去世，超人胞妹李素華才被《壹週刊》發現，報道佢嘅家庭狀況，李素華就係查文宗太太，兩夫婦在深圳開塑膠廠，有過千工人。原來查文宗年輕時曾在超人西環間膠花廠打工，李素華亦係，兩人因此而認識。
提起李素華篇訪問，《壹週刊》實在為新聞系學生做咗個示範，發掘呢單新聞嘅過程好值得學習。啲記者成日話冇新聞，其實啲好古仔，俯拾皆是。
（圖）超人胞弟李嘉超去年六月的喪禮，（右起）查文宗、李素華和小小超李澤楷都有出席。
E-mail：