𠵱家咁嘅經濟環境，點先可以站得住腳？貿易發展局主席吳光正（圖）噚日同六百幾名大學生對話時，就提出「三個好」同「兩張刀」主張，即係要數口好、常識好同溝通能力好；要做到呢三好，必須有「兩張刀」，就係普通話同英語了得，先至可以喺面對內地同外國客戶時，表現到自己有料。
吳主席唔止講理論，重教埋班後輩要日日「兩文三語一分鐘」，即係要每日用普通話讀中文報章或讀英文報章至少一分鐘；另外又要日日「30分鐘網上時事搜查」，上網了解時局發展，咁先至可以達到有創意、靈活應變、熟悉市場、熟悉中國同熟悉世界等「五項全能」。
E-mail：