GBA呢邊，今個星期亦好熱鬧，因為萬眾祈待嘅《足球小將》，亦都喺今個星期四抵港。暫時Game場所見，大部分貨都係以水貨為主；因為呢隻Game受日本J-league版權所限，所以番行貨機會真係好微！
至於貨源方面，呢隻《足球小將》來貨真係好緊張，由於日本本土都非常好賣，所以好多水貨佬原本諗住去秋葉原掃貨，都係空手而歸，搞到香港呢邊勁缺貨，基本上好多舖頭都只可以攞到定單嘅四分一貨，所以Game價馬上由三百幾炒到上$580，都咪話唔犀利！另外鐵人重收到消息，由於GBAGame帶生產需時，所以缺貨情況會持續兩個月或以上，如果真係心頭好，都係早買為妙。
文：打機鐵人