滑板K好醒目，出名眼光準確，七、八年前由聯合起家，食正校園熱賣adidas波鞋，掘到第一桶金，後尾搞埋校園名牌「超級」同賣板仔衫褲嘅P記，全部中晒目標，醒過好多大公司「孖屐亭」。最近掀起香港玩具熱，電視都報道MichaelLau公仔喺日本賣到出晒位，證明已入平民百姓家，滑板K亦冇錯過機會，早於幾年前染指玩具，獨具慧眼早已聯埋Michael同Eric出搪膠，風行東南亞，後尾重出版雜誌，雖然瓣瓣點但係瓣瓣掂。
滑板K亦支持新人，只要有諗頭，佢就肯出資支持，過往賺多輸少；可惜最近被人跣咗鋪，話說有人穿針引線將壞孩子E變成潮流玩具，由日本人設計，滑板K負責出資生產，理應係獨家發售以保障利益，最後唔知點解突然多咗批貨通街賣，而且零售價重平滑板K一大截，滑板K利益當然受損。做生意最怕被拍檔出賣，可惜呢類例子太多，受害唔止滑板K一個，唔怪得日本人做生意最怕蠱惑的香港人，𠵱家連香港人都怕香港人。
主持人：大食Jack
八卦熱報：