講開立法會團拜，都算有心思，將五圍枱全部以馬命名，有「逸駿」、「龍駒」、「風驪」、「驊騮」同「赤驥」，實行隻隻都係駿馬，同馬年襯到絕。
不過，主席范徐麗泰噚日講笑話，原本佢哋餐飯冇雞食，但多得漁農界的黃容根，捧咗好多隻港大研究成功的嘉美雞嚟加料，不單只冇禽流感，重有雞味冇肥膩！佢重冇忘記一班記者，令大家喺記者室都有好嘢食，加埋范太送上一隻三十幾斤重的大燒豬，個個食到好似開年咁款！
（圖）范徐麗泰見成班記者行家跑立法會辛苦咗幾年，特登買隻三十幾斤重大燒豬慰勞大家，而黃容根就捧咗幾大盒嘉美雞，一於食都要食港產嘅。
E-mail：