YesTV噚日正式推出，廣邀各方好友，當然唔少得廣管局主席梁乃鵬。梁主席噚日好高興，事關在iTV的互動電視之後，YesTV又為香港創出全球第一，就係首個全能電視台。另一方面，八方聽梁主席講，新台推出佢要辛苦啲。點解？原來家陣梁主席屋企已經有四部電視，一部睇電盈iTV、兩部睇Cable、一個自選，可以睇乜都得。
唔係佢吹水，梁主席被人即場challenge，都講得出無綫《無頭東宮》幾時做到邊，所以多咗YesTV和太衞香港，梁主席返屋企又要睇多幾個台。不過梁主席話最鍾意，都係睇DiscoveryChannel。
E-mail：