港人北上深圳，多數旨在品嘗各地美食，總之有幾騎呢就要食幾騎呢，實行要食得招積！深圳著名食肆丹桂軒最近自創一道新突破菜式：南瓜盆菜，以重達30斤嘅南瓜作器皿，燜足3小時，味道濃郁香甜，令人食指大動。另外，小記又帶大家去品嘗平、靚、正海鮮，以及有基隆小食街頭風味嘅台式食肆。總之今回令各位讀者，食到肚暖腸肥返香港。
記者：梁煒健 攝影：陳穎、陳盛臣、楊錦文
ImageGirl：趙靜、Cathy
丹桂南瓜盆?1,380（供10至12人享用）
香港有好多食肆都推出圍村盆菜，但來來去去都冇乜特別，但最近深圳著名粵菜食店丹桂軒就成功突破客家圍村盆菜，首創「丹桂南瓜盆」，十分有創意。30斤重嘅大南瓜，盛載着豐富嘅餡料，包括：梅子燜鴨1隻、海皇鮑1隻、玉環雞1隻、鵝掌、髮菜蠔豉、叉燒、東山羊、玉環瑤柱甫、滷水豆腐、客家釀鯪魚、冬菇、枝竹、香芋、土豆、蝦乾、蒜子燜火腩、門鱔乾燜蘿蔔等。各種配料煮熟後再放入南瓜內蒸釀40分鐘，香甜南瓜吸盡各種肉類精華，各類配料亦滲入南瓜清香，味道濃郁而不膩。製作此道菜需時3個鐘頭，食客最好至少提前5個鐘預訂。
試食報告：
湯先生：味道的確與眾不同，口感十分香甜好食，尤其鵝掌好入味㖭！平均每人百幾蚊都算物超所值！
位於天安數碼城天安會所三樓嘅丹桂軒，面積逾1,000平方米，非常寬敞，可容納220人共進美食。
丹桂軒（天安分店）
地址：深圳市福田區車公廟天安數碼城天安會所三樓
電話：（86755）3895138
座位：220
營業時間：（星期一至五）早上10:00至晚上11:00（星期六、日）早上8:00至晚上11:00
交通：從羅湖關口前往，乘的士約20分鐘，車費約?35。
位於龍崗區的水頭海鮮市場，距深圳市中心約五十分鐘車程，由於臨近海邊，面對大鵬灣，海產保證新鮮，而且價格更比深圳市中心平三至四成。整條街共有約二十檔海鮮檔，買了海鮮後，可以拿到市場後一條街的食店加工，油料費每碟由?5至?15不等。試過買了一條甫魚，孔雀蚌、荷包蟹各一斤，加油料費都不用?150，已可填飽五個人的肚，認真抵食。
孔雀蚌肉厚鮮甜每斤?15
(此碟蒜茸粉絲蒸孔雀蚌，油料費另加?10)
貌似象拔蚌的孔雀蚌，又名鳳凰蚌，最大特色是它的殼，一半平滑一半起粒粒，而且殼薄肉厚頗抵食，味似貴妃蚌一樣鮮甜。
荷包蟹蟹乸更佳每斤?10(公)??15(乸)
(此碟清蒸荷包蟹油料費另加?8)
荷包蟹因為蟹蓋圓碌碌，活像一個荷包因而得名。它還別稱石頭蟹，雖然個子不大，但殼堅硬如石頭。一雙強而有力的大蟹拑，更是佔整個身體的一半。由於蟹乸有膏，所以價錢會較蟹公貴五成。想食得惹味，不妨以薑葱炒。
陳記海鮮檔
地址：深圳市龍崗區大鵬鎮水頭海鮮街第一檔
電話：（86755）4314103
交通：乘的士車程約50分鐘車程，車費約?180
水頭餐廳
地址：深圳市龍崗區大鵬鎮水頭海鮮街
電話：（86755）4314801
營業時間：早上9:30至凌晨2:00
鍾情台灣小食嘅朋友，嚟深圳東門步行街一樣能滿足到。呢間「基隆廟口小吃街」老闆係台北人士，眼見深圳嘅食肆缺乏台灣地道小吃，決心喺東門大展拳腳。店舖嘅環境及裝修，十足十將基隆廟口一帶嘅小食街搬咗嚟，好有台灣風貌，各款食物亦非常之有水準呢！
筒仔米糕
香糯足料
筒仔米糕係台灣小食之一，由台南至台北都有。選用糯米、豬肉、香菇、蝦米等材料，以竹筒包裹，放入蒸籠內炊煮，外形煞是吸引；煮熟後加上特有嘅甜辣醬，口感相當不俗。
蚵仔煎
嫩滑鮮甜
「蚵仔」即係細小嘅生蠔，肉質嫩滑鮮甜。配上十種調味料嘅甜辣醬，入口就有甜、酸、辣三種味道，口感別具一格。
紅燒牛肉麵
日賣百碗
大大粒牛肉丸選用牛𦟌肉醃製而成，肉質非常爽脆；湯底濃郁令麵條更入味，難怪成為該店至好賣嘅食品之一，閒閒哋每日賣過100碗㗎！
官財板
升官發財
嗰名聽落「唔老黎」，但實則含意係「升官發財」。官財板以勁厚多士麵包作外殼，放入忌廉粟米湯、墨魚、蝦仁及肉絲等配料，營養價值相當高，係台南著名小吃。
基隆廟口小吃街
電話：（86755）2292555
地址：深圳市羅湖區東門步行街老街前衞店地下一樓
座位：200
營業時間：早上10:00至晚上10:00
交通：從羅湖關口前往，乘的士約5分鐘，車費?12.5。