如果大家近排有去戲院睇戲，相信都會對《魔戒首部曲：魔戒現身》同《怪獸公司》嘅化裝同電腦特技感到歎為觀止，其實喺嚟緊嘅復活節同暑假檔期，重有大量呢類勁玩特技嘅電影上演，例如由經典漫畫改編嘅《SpiderMan》、經典小說改編嘅《StarWarsEpisodeII》同電玩遊戲改編嘅《ResidentEvil》等！想知佢哋嘅電腦特技玩得有幾厲害，今日就教你哋上網睇最新電影預告片，等你哋先睹為快！
文：方樂鵬
由杜比麥卡爾飾演嘅高校學生彼得，一次參觀生物實驗時被蜘蛛咬傷令基因產生突變，從此擁有異於常人的體格和技能，由一個普通校園記者，搖身一變成為對抗邪惡嘅英雄人物－－蜘蛛俠。
有英雄人物，又點少得奸角？今次蜘蛛俠要對付嘅，就係老死兼情敵Harry個老竇羅曼教授（威廉．達福），呢位商界強人兼科學家因一次實驗失敗，搞到自己變成怪物綠精靈，情緒失控之下到處大肆破壞，最後重同新出道嘅蜘蛛俠發生連場大戰。
網址：
在師傅奧比溫悉心栽培下，阿拿堅成為絕對武士嘅夢想終於得以成真，但師徒倆卻面臨衝突表面化的危機。另一方面，阿拿堅與皇后阿美達娜的姊弟戀情又注定損手收場，令他逐漸步向邪惡之道。
雖然《星戰前傳I》嘅口碑毀譽參半，不過單係全球Fans嘅支持，新一集前傳嘅票房收益相信都已經好穩陣。加上今集重係阿拿堅與皇后阿美達娜嘅戀情做主線，肯定可以吸引多啲女觀眾。唯一最擔心嘅，就係全不討好嘅生物「渣渣兵」依然有份演出……。
網址：
AttackofTheClones《星戰前傳2之複製人襲擊》
通常由電影移植嘅Game，好多時都屬失敗之作，而調番轉將遊戲拍成電影，成績可能反而重好。《ResidentEvil》會唔會係其中之一，就要睇過只知。套戲原名《ResidentEvil:GroundZero》，因為911事件而刪去「GroundZero」一字，以免引起觀眾痛苦回憶。電影嘅故事大致上同遊戲第一集冇乜分別，講述Raccoon市郊一間大屋發生連串喪屍襲擊人類事件，特種部隊S.T.A.R.S奉命前往該區展開調查。
網址：
預定上映日期：2002年3月
承接上一集《幽靈刺客》，今次講述一種名為Reapers嘅血病毒四處肆虐，中招者全部變成殭屍，連Blade個FriendWhistler都難以幸免。為拯救Whistler讓他變回正常人，Blade惟有再度出擊。
《Blade2》除咗連場血戰場面之外，戲中登場嘅各款武器都好吸引，單是其中一支裝有類似豬肉刀嘅曲尺手槍，經已非常搞嘢。
網址：
預定上映日期：2002年3月
上集決定退休嘅特工湯美李鍾斯（亞K）洗去記憶後當上郵件速遞員，不過安定嘅日子並唔長久，因為外星異形又再圖謀入侵地球。為應付即將殺埋身嘅大決戰，韋史密夫惟有軟硬兼施，搵湯美重出江湖打怪獸。
網址：
預定上映日期：2002年夏季