鄭秀文孭飛的賀歲片《嫁個有錢人》，累積票房已邁向二千萬，暫成今年港產賀歲片之冠。梁詠琪撇玉女形象裝巨胸的突破，也令《嚦咕嚦咕新年財》企硬阿二之位，反而王菲和梁朝偉合演的《天下無雙》，票房竟成包尾。
由鄭秀文、任賢齊主演的《嫁個有錢人》，劉德華、梁詠琪及古天樂演出的《嚦咕嚦咕新年財》，以及王菲、梁朝偉和趙薇合演的《天下無雙》，這三部港產賀歲片經過兩周以來的廝殺，票房成績暫由鄭秀文的《嫁》片一馬當先。
截至前日為止，《嫁》片累積票房達一千九百二十萬元，已向二千萬票房進軍；《嚦》片票房則成亞軍，累積數字達一千五百六十萬；而卡士最強勁的《天》片，票房亦僅過千萬，成為包尾，暫收一千零五十二萬，比起冠軍的《嫁》片，《天》片更輸達八百六十八萬。
資深編劇及導演鍾繼昌，對於這三部港產片的形勢，日前在電話中說：「我冇睇過《嫁個有錢人》，但呢部戲好明顯係因為鄭秀文效應，一個人可以孭咁多票房，香港又多個影壇天后啦。《嚦咕嚦咕》可以喺麻雀枱上講到香港𠵱家嘅環境，個古仔有創意，但最意外係梁詠琪嘅演出，佢突然開竅，裝大波都唔尷尬，佢做得幾好。」
鍾繼昌續說：「《天下無雙》其實拍得幾好，導演係高手，只不過呢幾年大家對古裝唔熱衷，會幾難帶到潮流。」
在電影《嫁個有錢人》的宣傳中，甚少提及林海峰（阿Jan）一角。原來阿Jan在戲中飾演一名富商，且對鄭秀文（Sammi）一見鍾情，在追求Sammi的過程中笑料百出。而阿Jan的外形更似足電訊盈科主席李澤楷，阿Jan為演得神似更戴上假牙扮哨牙仔、配上眼鏡及着上ITlook，就連李澤楷的神韻都學到十足十。
採訪：朱芷瑩