銅鑼灣巧遇成衣林，提起今年有唔少後生入行搞零售，大家都想學日本嗰邊咁搞旺本地牌子，相信今年好熱鬧。成衣林話搞本地嘢確唔易，先講創意，本地班後生好似冇乜邊個有睇頭，太有人哋日本仔影子，咩Crossover搞到啲客頭都暈，早前有6個尖沙嘴牌子搞咩Crossover別注，亦冇乜反應，都唔及花園街賣高級假Ape王咁有Noise（迴響），班後生真係要再度多啲橋。
大食Jack話創意啫，摸摸吓就嚟。成衣林話質料都要講究，可惜家陣本地牌子冇乜人肯落本，料同手工都唔掂，「以啱啱秋冬季為例，每個本地牌子都有做風褸，但普遍只用八蚊碼布一般貨色，翻版佬都唔用十蚊碼喇，加上創意欠奉香港班客邊肯捧場？」成衣林補充：「只得銅鑼灣O記隻孖Ｌ用到二十蚊一碼布料做褸，真係拍得住日本嘢，所以一出街即斷巿，唔好話香港班客唔識嘢。」
主持人：大食Jack
八卦熱報：