羅冠蘭少油飲食

醉心於戲劇嘅羅冠蘭，除咗拍電視劇之外，空餘時間則會教授戲劇，現正喺科大任教，生活多姿多采。而忙碌過後，羅冠蘭會到處去搵好嘢食，海鮮、雞、羊肉係佢嘅首選，而澱粉質重及濃稠嘅西式湯亦係佢嘅至愛，但新年期間吃得太多，為免自己肥落去，一於要少油，少澱粉。而呢個分別以蝦肉、蝦乾及蝦子做成嘅三代同堂正好合佢心意，至於甜品亦係佢嘅心頭好，只要唔太甜都可以接受到。

記者：陳冰麗　攝影：關文慧　鳴謝：聚寶軒
電話：23678228
地址：尖沙嘴堪富利士道8號格蘭中心3樓

三代同堂 呢個餸係用咗三種以蝦為主嘅材料，有中蝦、蝦乾及蝦子，再配以一白一綠嘅蛋白及西蘭花，賣相已夠晒吸引，加埋個有意思嘅餸名，最適合新正頭食用。

材料：
西蘭花4両　中蝦肉8隻　
蛋白6隻　鹹蛋黃1隻　蝦乾2両　薑米少許　
葱花1茶匙　
花奶少許　蝦子適量

調味料：
鹽、糖、雞粉各少許

製法：

1.西蘭花、中蝦肉出水，取出瀝乾水，加調味料一同炒，以生粉水埋芡。蛋白與花奶拌勻，加少許生粉水撈勻。燒熱鑊，加少許油，收慢火，加蛋白少許煎成一塊塊。

2.鹹蛋黃連同蝦乾，加少許水一同蒸約10分鐘，鹹蛋黃壓碎，與蝦乾混合。爆香薑米、葱花，加雞湯3湯匙，加少許雞精、鹽、糖調味，以生粉水埋芡，加入蛋白拌勻，上碟。以西蘭花伴碟，蝦放面，頂放蝦乾鹹蛋，面撒上蝦子。

小貼士
1.油太滾會令蛋白老身。鑊底部受熱，加蛋白令佢煎成一片片如白雲薄餅。
2.鹹蛋、蝦乾比較乾，蒸時可加少許水。

焗西米布甸
西米布甸令人又愛又恨，金黃色澤令人難以抗拒，再加埋內層金香軟腍嘅蓮蓉，諗起都想食，加咗牛油雖然肥膩咗啲但食落香，若然怕肥可以改用植物牛油，餡料甚至可用水果取替蓮蓉。

材料：（4杯）
西米3両　
吉士粉2湯匙　
鷹粟粉2湯匙
清水約2杯　
牛油2茶匙　
砂糖4両　
雞蛋1隻　
花奶半罐

餡料：
蓮蓉4錢

製法：

小貼士
1.除咗蓮蓉，亦可以用生果如香蕉、芒果、蘋果粒做餡料。
2.水滾至落西米煮，邊煮要邊攪，避免黐底。
3.要西米面層起焦，最好預熱焗爐先放入西米焗。