春節過後，樓市依然有勢，除咗一手盤旺外，二手豪宅亦有啲成交。地產界老友噚日打電話嚟拜年，聲氣都好咗好多。
佢話，羅兆輝同孫佳君個淺水灣道三十七號銀主盤，前兩日都甩咗，聽講成七百八十萬，平均價超過六千三蚊呎。
淺水灣三十七號係南區豪宅，麗新起嘅，林建岳林建名都各擁有一個複式頂層單位。九六年，羅兆輝同孫佳君聯名買咗十六樓A室，當時作價接近千六萬，後來金融風暴爆發，羅兆輝搞到要自殺，個單位自然斷供，俾銀行收咗，去年放盤，估唔到幾年間，貶值咗一半。
老友又話，羅兆輝最近開始活躍番，四圍搵人。當然，搵佢嘅人亦唔少。
E-mail：