早前本報曾率先披露有「名媛專用髮型師」之稱的RickyKwok，將離職著名髮廊privatei，據可靠消息透露，他將加盟於上月才開業的TripleEdge髮型美容中心，據悉Ricky更會注入資金，以投資形式加盟。
而Ricky的名人顧客包括李澤楷、九巴媳婦雷林靜怡、楊紫瓊、馬薛芷倫和余安安等人。
記者日前致電Ricky求證時，他說：「我係遞咗辭職信，但新工嗰邊其實重未confirm。我喺privatei做咗三年，覺得前景冇乜突破，其實除咗剪頭髮外，我重想做多啲關於扮靚形象嘅工作，如果傾得啱嘅話，我會考慮試吓創業㖭！」
再問Ricky，九九年LeSalon倒閉，他率領不少工作夥伴過檔privatei，如今他有新發展，會否事件重演？Ricky說：「做我哋呢行係講求teamwork，如果啲同事有意思轉環境，我絕對會歡迎佢哋，可以再並肩作戰嘛！」
Ricky八四年出道，去年楊紫瓊赴美出席奧斯卡頒獎禮，Ricky隨行set頭。當年林靜怡下嫁雷兆光時，結婚set頭收費三萬元。