喺上星期，由五千名以上玩家參與的RTS大作《WarcraftIII》線上對戰Beta測試，終於正式開始，可惜嘅係香港玩家冇份申請測試，真正得個恨字。現在惟有寄望（應該話奢望至真）遊戲能趕及六月面世，順便睇睇隻Game有乜賣點啦！
文：李淮
WarcraftIII：ReignofChaos
發行/開發：BlizzardEntertainment
預定發售日期：2002年6月
就算未玩過《Warcraft》或者《WarcraftII》嘅讀者，相信都會經常聽到佢個名。呢套講述人類與半獸人爭霸嘅即時戰略遊戲，可以講係94、95年代對戰必玩RTS。由於當時上網重未太流行，Modem對戰又只得一對一，所以好多玩家惟有利用公司嘅網絡進行大型對戰。
採用角色扮演設計嘅英雄人物，是《WarcraftIII》新加入的元素，在遊戲中將擔任領軍作戰的重要角色，隨着Level提升和完成任務，更可獲得各種作戰技能、魔法、以及特殊裝備，發揮強大破壞力。對於熱愛《Diablo》嘅玩家嚟講，在遊戲中能夠以一敵十嘅英雄人物，玩落自然過癮好多。
在《WarcraftIII》之中除了敵對種族之外，在戰場上還會出現一些中立生物，例如巨魔、豺狼人、甚至巨龍，他們各有自己的勢力範圍和堡壘，散布於版圖多個地點。不過話就話中立，呢班怪獸一樣見人就殺，順應成為玩家實戰前「熱身」嘅理想目標。尤其在遊戲初段，當你嘅英雄角色重係低等級階段嗰陣，正好利用這些中立生物來試刀，順便升高啲Level，應付嚟緊嘅慘烈激戰。留意大部分中立生物都有一個非常健康嘅習慣，就係早睡早起，所以趁夜晚當佢哋訓緊覺嗰陣玩偷襲，勝算肯定高好多！
其實中立生物嘅存在，並唔止等死咁簡單，有啲較為聰明嘅品種如妖精類，便會乘機大做生意，售賣藥水同魔法卷軸；而其他戰士型生物則會以僱傭兵身分登場，只要畀得起錢就可以請佢幫手打仗。
作為Blizzard嘅重頭作品，《WarcraftIII》在Battle.net對戰方面亦加入了不少新功能，當中最值得讚賞嘅就係RandomGame。由於《WarcraftIII》嘅英雄人物存在等級制，所以單靠玩家自己去搵實力相若嘅對手，肯定好麻煩。相反若透過RandomGame幫手，就可以慳番唔少時間，因為Battle.net將會因應玩家等級、戰績、喜愛嘅遊戲類型，自動為你挑選最合適對手開Game，唔使等成半日先玩得一陣咁慘。
有分參與Beta嘅玩家都一致讚好，雖然英雄人物概念唔算新，但勝在有角色成長元素夠過癮，升Level重可以揀自己喜歡嘅技能同魔法，玩落投入好多。其次，比起上集遊戲最明顯改進嘅地方，就係起屋更方便，無論能否建築嘅設施都統一放在一個Menu，玩起上嚟方便好多。不過講到缺點，同樣有唔少需要改善之處，好似部隊資源耗用量嘅頂點只得90實在太低，令到玩開《Starcraft》嘅玩家極之唔習慣，希望Blizzard會加番多啲咁話！