日產→波子→法拉利→日產
古仔換七車反璞歸真愛日產

古天樂出道九年，一直愛車如命，入行以來已換了七部車，其中包括法拉利及波子，不過最近他反璞歸真，不再追求名貴跑車。日前古仔換新車，買下一部價值四十萬的日產Elgrand。

古天樂（古仔）繼以二千八百萬買京士柏花園三千多呎的獨立屋後，最近又以四十萬購入新車日產Elgrand，古仔向來愛車，由九三年入行購買日產藍鳥至今，前後曾擁有八架座駕，其中最貴的是二百多萬的法拉利F360Modena，相比最新購入的日產新車，可以說是反璞歸真。

上星期購入
由於法拉利是古仔的夢想座駕，所以，他換車亦從不考慮出售此部名貴跑車。昨日記者就此事聯絡古天樂，他在電話中回應說：「架新車係車行叫我買嘅，因為之前嗰架Toyota大霸王（Previa）嘅里數行得太勁，如果再唔換車，架車好易壞，所以我先至換新車。」

換車為開工
古仔續說：「架車上個星期六落地，𠵱家我已經揸緊，我今次用架舊車換新車，都只係畀十幾萬出嚟，而且我換車係為咗方便開工。」
古仔說因為現時有供樓壓力，所以不會胡亂花費，他說：「我𠵱家用多咗錢供樓，所以唔會再花費喺買車度，一切都等層樓供完至算。我𠵱家會努力做嘢，今年我已經接咗五、六部戲，又接咗啲廣告嚟拍，希望可以喺兩三年之內供清所有樓價嘅欠款。」
備註：車價為現時市價，僅供參考。