又香又甜嘅果醬你就食得多，又甜又辣嘅果醬你又食過未？呢款由澳洲嚟嘅綠咖喱果醬，不但全以天然成分製成，重加入了綠辣椒去製，令原本香甜嘅果醬增添辣味，一打開蓋就聞到陣陣綠咖喱味，塗落麵包同食時，味道又甜又辣夠晒特別，愛辣人士不妨試一試。
記者：葉少萍
銷售點：金鐘太古廣場Great
除咗韓國電影入侵本港電影界，連韓國飲品都開始進駐本港飲品系列，好似Haiti品牌嘅梨味同提子味果汁，就以天然材料製成。
梨味嗰款入口除了好香梨味外，重飲到少少梨肉粒，有啲似飲雪梨水咁；而另外嗰款提子味，雖然冇提子肉粒，但啲提子味夠晒香濃。
記者：葉少萍
銷售點：city'super
二月份仍可以在魚檔見到赤米蝦的蹤影。赤米蝦比平日見到的白色殼的海蝦細隻，花斑斑的紅殼帶白花點是其特徵。赤米蝦多是本地水域長洲出品。雖然細細隻，但味道鮮甜，價錢不貴，家庭白灼食用最合適。
記者：謝翠玲
各大魚檔有售