八方噚日去咗港大睇六十二位「明日棟樑──社區領袖計劃」獎學金得獎者嘅表演，其中一名喺港大讀牙醫嘅女同學，着咗件寫住「Iloveimperfection」（我愛不完美）嘅衫，大跳爵士舞，作為嘉賓嘅民政事務局局長林煥光上台講嘢時，特別同呢位女同學講咗佢句「Ireallyloveyou」（我真係愛你），佢有感而發咁話，人真係無完美，所以對呢位女同學嘅印象好深刻。
林煥光重話，佢鍾意香港係因為「HongKongismyhome」（香港是我家），無第二個原因，又話二十歲係人生嘅財富，應該多多學習；而另一位嘉賓立法會議員余若薇，都好幽默咁話自己嫁咗個醫生二十幾年，都無期望過醫生係可以咁有創意，重話會返屋企問吓老公！
E-mail：