「冇得撈啦」嘅V70終於都有番啲貨，唔使炒到成皮嘢一部，家陣行貨包兩電連埋贈品賣成7千幾銀一部，貴唔貴就見仁見智嘞，不過呢批行貨係「KingKong」保養嘅，的士文同阿Joe真係有啲計呀！
而「落機呀」最新機王8855，雖然行貨重未推出，但係已經有行街同王子講，嚟緊會落批B殼嚟香港，畀一眾8210及8250用家望梅止渴先喎！希望手工A啲啦，若然好似早排嗰批名牌機殼咁出色，大家就搵到食囉。而「愛記」呢排返嗰批T68已經Upgrade咗軟件，經好多行家Check過已經冇咁易Hang。早前搞到啲熟客個個都捉住王子嚟噴，話介紹啲咁嘅好嘢畀佢喎。大家畀多次機會「愛記」啦，唔信去吓RepairCentre吖，唔使等個半鐘嘞！