中原地產代理董事總經理施永青平日唔多做劇烈運動，最多耍吓太極，但係佢第一次出師苗圃行動嘅行路上廣州籌款活動，就成為籌款冠軍人馬，為中國山區失學兒童籌得四十萬元善款。
佢噚日同三百幾個步行者一齊由廣州返香港，喺歡迎會上面一齊食蘋果慶祝，重精神奕奕咁同八方講，地產界猛人李兆基同郭炳聯都有贊助佢，但係捐幾多就唔好講嘞。
施永青話，全程一百三十九公里，佢行足五日，都真係幾辛苦，隻腳重起咗兩個水泡，不過就覺得好開心，可以考驗吓自己嘅意志力。
（圖）施永青行路上廣州，幫苗圃行動籌得四十萬元善款。
E-mail：