D記從百利起家，同資訊科技甚有淵源，大家都係以賣馬田博士鞋起家，不過論發展，資訊科技發展較為一帆風順，𠵱家喺百德新街搞起條時裝街㖭，認真威水。好彩D記都冇氣餒，靜極思動，唞咗幾年終於今年趁淡巿發威，殺入百德新街戰圈。口痕友話D記想挑戰資訊科技龍頭地位，難免吃力不討好，其實呢番說話大錯特錯，大食Jack反而欣賞D記咁有膽量、勇氣可嘉，寧欺白鬚公莫欺少年窮，D記隨時掂過碌蔗。
早前同一條街嘅資訊科技以一折招徠，D記生意當然受影響，不過一折背後原來另有古仔，行內傳聞早排巴黎時裝展中，D記領導人髮型K同資訊科技嘅才俊S竟巧合相遇，據說兩人係第一次相遇，兩雄相遇講過啲乜有冇分外眼紅就冇人八到，但異口同聲只見兩人口黑面黑，才俊S黑面認真少見。巧合地第二日資訊科技就突然一折傾銷，Sales話寫字樓通知得好急，準備都嚟唔切。兩件事有冇關係呢？只有才俊S先知。
主持人：大食Jack
八卦熱報：