今日係二○○二年嘅二月二十號（20.02.2002），西洋通靈學家話呢日係「迴文日期」，即係無論你對住呢兩組數字由左讀到右，抑或由右讀到左，都係一樣，係2002。
鬼子佬通靈學家話，今日許願特別靈。八方走去問本地薑通勝編算工作者蔡興華，佢話按中國曆法，今日係己未，與太歲壬午相合，稱「歲支六合」，係和祥吉日，宜嫁娶、許願、入學、動土等。不過，對屬牛嘅就唔吉利，今日千祈唔好作任何重大決定。吉時就分別喺凌晨三點至下晝三點、下晝五點半至晚上九點。
大家記住喺吉時許個願，唔好錯過呀！
E-mail：