吳君如和劉德華日前乘搭國泰航機，到德國出席柏林影展，但君如對航機的服務和食物水準甚為不滿，她前晚在商台節目中便炮轟飛機餐難食。在回程時，君如和華仔雖坐頭等客位，可是行李卻未能優先領取，排在經濟客位之後。
吳君如和劉德華上周四（十四日）情人節乘搭國泰機到德國出席柏林影展，前日返港。君如前晚返商台主持節目《嘩！嘩！嘩！打到嚟！》時，即在節目中大肆炮轟國泰航空的服務態度極差，以及飛機餐的質素甚劣，一切所謂的服務令君如氣結。
君如前晚談到飛機餐時勞氣地說：「前排我搭過國泰，有空中少爺話我知佢哋啲嘢好難食，佢哋自己都唔食。啲飯成pat嘢，銀鱈魚又油浸到成pat嘢。」
接着君如又狂轟國泰的服務，她說：「我坐頭等，行李應該可以攞先，我返到香港攞行李，人哋經濟客位都攞晒，我終於捉咗個人埋嚟，問佢哋乜嘢態度，頭等要等行李！」
此外，君如和華仔在情人節出發到柏林，她笑言：「我終於有機會同華仔瞓埋一齊過情人節，但唔知係咪喺飛機做得太多嘢，華仔去到德國酒店，佢掟咗我住六樓，佢住一樓，隔開五層咁遠。」對於君如所言，華仔亦笑說：「我淨係知啲空姐驚服侍君如唔好，成日走埋嚟噓寒問暖，君如只係應酬空姐都夠忙。」
華仔和君如抵柏林後趁空檔四出玩耍，二人到了柏林圍牆觀光，華仔更在牆上簽名留念，但則異口同聲大彈德國食物難吃，君如說：「我哋食嗰個煙肉芝士Pizza，竟然大過麻雀枱，未食已經滯。」