唔知大家重記唔記得，喺去年嘅東京車展上，日本鈴木車廠展出咗一款賣相獨特嘅Lupin概念車，頓時惹來不少車迷嘅迴響呢？而與此概念車甚為相似嘅Lapin，最近就喺日本本土市場推出，據聞新車更有機會，於今年內到港㖭。
整體而言，Lapin嘅外形與當時喺車展會場上展出嘅概念車相近，同樣以懷舊嘅造型示人外，部分車身顏色配搭，其車頂更會掃上白色，望落分外吸引；另外，車廂嘅空間寬敞，乘坐舒適度十足外，當中前座車門嘅開啟幅度甚大，配合上其低地台設計，因而令乘客進出車廂時變得更方便。車內更有齊各項設備，如原廠冷氣及高級音響組合等等，鋪排又見簡潔有序，使用既方便又容易。
而Lapin一台658cc直3DOHCVVT引擎，馬力輸出為54ps/6500rpm，而扭力輸出則為6.4kgm/3500rpm，匹配一台4前速自動波箱，另外又有兩驅或四驅配搭，因而令新車嘅性能表現甚為出色。相信當新車正式在港推出時，定會惹來不少年輕車迷垂青㗎。