【本報訊】一名待業青年慾火焚身下跑到旺角俗稱「馬檻」的指壓中心召妓，一小時內如選美般輪流挑選達二十一名「北姑」也不愜意，嫌她們「又老又冇身材」，瀏覽完畢欲離去疑遭職員攔截要脅一百元茶錢，勒索案件昨在北九龍裁判法院開審；被告最後被裁定罪名不成立，當庭釋放。 記者：蔡朗清
被告譚仁傑（二十歲），報稱指壓中心職員，昨在庭上否認一項勒索罪；控罪指他於去年八月十七日在旺角新填地街的「東方朝陽指壓」，勒索一名男子梁永鉅（譯音）一百元。被告被捕當日警誡下承認「佢（事主）彈咗啲女，收幾百蚊係行規」。
年約二十歲事主梁永鉅昨在庭上供稱，案發當晚九時半往上址召妓，樓梯招牌掛上「北姑三百、馬拉二百三十」，於是登門「想有全套服務，即係叫北姑做愛」。
梁進入指壓中心大廳時，由一名肥胖男子招呼，並電召了三名北姑均不滿意，「啲北姑又老又冇身材，睇唔啱咪彈咗佢！（即不選該妓女）」並有意離開藉詞出街挑選北姑以便脫身，惟對方友善說「唔使客人行，只係啲女行上嚟」。
結果，該名職員前後共電召了另外十八名妓女上指壓中心讓梁挑選，但仍不合他心水；其間房內一名職員說「三百蚊召妓，唔通畀個香港小姐你做（愛）咩！」
梁供稱，當晚約十時半，見勢色不對離開馬檻之際，被告跑出聲大夾惡說「你擺低一百蚊，唔係唔使旨意走，搵啲女嘅老竇伏你」，又說「彈我二十一條女，你玩乜X嘢，俾啲街客見到咁多女落樓，我重使做生意」。
梁反駁「啲女真係唔掂，點做（愛）啫」，惟他最後害怕遭毆打，身不由已付上一百元後但仍遭對方喝罵「第二間場你打橫出門口」。
梁供稱，離開後不即時報警是怕驚動街上馬伕，所謂「留得青山在，那怕冇柴燒，最緊要條命先」，翌日才以罪案郵柬報警，警方於去年十月三十一日到指壓中心拘捕被告。
事主被辯方盤問時否認被告曾說「畀一百蚊啲女飲茶」，當被辯方質疑沒即時報警，他強調，怯於當時周街是馬伕，如果當日報警是「遠水不能救近火，好命就瞓係醫院，唔好命嘅就企唔喺呢度。」他續稱，「我怕死，我要留番條命。」
裁判官裁決指事主供詞矛盾，例如沒有去警署報警，警方口供說不想報警，庭上解釋是想清楚等，證人供詞令人產生懷疑，裁定被告罪名不成立；被告當庭獲得釋放。
案件編號：NKCC7142/01