鄭秀文（Sammi）今年在港度歲，而她在療養院休養的父親更特別請幾日假返家過年，Sammi日前說：「呢個新年我過得好開心，年三十晚一家人食團年飯好有意義，而年初三我兩個結咗婚嘅家姐都帶埋仔女返屋企，有成二十幾個人喺間屋度熱鬧到不得了。我入咗行之後都好少可以同屋企人過年，真係好難得。」
過年期間Sammi亦有大擦特擦，她說：「我冇喼弗，放縱咁食，過完年就要減肥咯！屋企買咗好多花，有水仙同桔，好似花園咁，但因為我有鼻敏感，所以我間房冇擺花。」
Sammi還透露新年後第一份工作是拍SK-II電視廣告，然後去台灣錄唱片。對於許志安偷食的報道，Sammi鬼馬地回應說：「恭喜發財，哈！哈！哈！」