遠東發展主席邱德根近年甚少蒲頭，畢竟已年逾七十，不過昨日旗下遠東科技召開股東會，他親臨主持，睇住個細仔邱達根回答問題。八方在股東會後與邱主席閒聊，問他有否想過退休？邱德根稱自己已半退休，要視乎情況才決定是否全退，問及為何不全面退休，要咁辛苦，他竟然話：「全退休會死快啲。」
其實邱德根好緊張細仔的表現，好似昨日股東會後見記者時，作為老竇的邱主席便經常提醒細仔講嘢要大聲啲，邱老以前做過亞洲電視主席，可能特別注重臨場表現，細仔邱達根真係要學吓嘢，以便快啲接棒，唔使老竇咁辛苦。
（圖）邱德根（右）在枱底豎起兩隻手指，提示秘書拿利市給他派，在場者以為一人兩封，原來是每封二十蚊咁解；旁為邱達根。
E-mail：