大家發唔發覺一個有趣現象，就係消委會嘅選擇月刊，雖然係一本頗為嚴肅嘅雜誌，但就經常用一啲年輕偶像做封面人物。消委會發言人話，佢哋試過搵一啲年紀大啲嘅明星做封面，但書報攤老闆就話佢哋唔受歡迎，所以擺埋一面，於是消委會就以年輕偶像作招徠，咁本書就可以擺個好位置啦！今期重新增直條暗紋，外觀更加吸引。
年輕偶像，就莫過於當時得令嘅Twins啦！消委會正打緊兩個可人兒嘅主意，但由於兩位妹妺同一間電器連鎖店拍過廣告，所以唔可以搵佢哋影有關電器測試嘅封面。佢哋嘅經理人就話有得諗喎！如果真係成事，到時本選擇月刊會唔會因為啲學生哥搶住買而斷市呢？
E-mail：