「天時冷要日日用水煲煲熱水沖涼，好唔方便，我又手腳無力，萬一拎住煲熱水跣親就麻煩，所以𠵱家得到咁多捐款畀我買電熱水爐，我真係好歡喜！」七十一歲黃守記老伯道。
無親無故的黃伯，退休前在地盤從事泥頭車司機，收入僅夠應付生計；晚年靠領取微薄綜援金生活，獨居小西灣邨公屋單位，一直無力購買電熱水爐，生活甚感不便。黃伯的苦況經本報報道後，接獲讀者捐款合共五千二百元。
記者近日將善款轉交他簽收，他表示：「呢幾年我靠綜援食飯，前排終於輪到公屋上樓，都冇錢買家具，要靠社工搵啲舊牀、枱櫈同衣櫃畀我，所以更加冇能力攞千幾二千蚊出嚟買部電熱水爐用。𠵱家有咁多好心讀者幫我，等我沖涼方便好多，我真係要向每一位善長講多幾句多謝。」 捐款編號：C0367
暖流熱線
電話:29908688
傳真:23702192
電郵:
網址：