威靈頓街WellingtonStreet
威靈頓街位於中區商業地帶的上方，一到午飯時間沿街的食肆就充斥着三五成群的行政人員或秘書，或者大家來也匆匆去也匆匆只顧搵食，而忽略了位於街頭、以售賣日本貨品為主的店舖，由外形精緻的美味糕點到絕版日本牛記，以至家具影音一條街掃晒，茶餘飯後不妨抽空逐一體驗日式文化。
記者：許穗齡 攝影：伍慶泉 Model:Fanny
中環區商業大廈林立，呢間位於威靈頓街的和菓子店就專攻OL客，開業兩年半生意都不俗。唔講唔知，各位客人光顧後想即時享用的話，絕對無任歡迎，店員更會免費奉上日式靚茶，屬下午茶小敘的好地方。
中國同桔總是結下不解之緣，有見及此，宗家源吉兆庵就特別推出一款以原粒柑桔製的和菓子，只限於香港發售，要送禮的話不妨考慮一下。
售價：$130（八件盒裝）
店內以售賣各式日本空運抵港的和菓子為主，但亦有不少日本味道濃厚的手工藝品發售，好似呢兩款掛飾，均用上和式花布製成，手工精細，用作點綴家居都唔錯。
其實我哋不時都有搞啲VIP會員活動，好似女兒節或端午節茶會，以正統日本形式舉行，都幾受會員歡迎㗎！
地址：中環威靈頓街50號地下
電話：25775702
營業時間：星期一至六上午10:00-晚上9:00、星期日上午10:00-晚上8:00
坐落於威靈頓街嘅1001是日本牛仔褲品牌Evisu嘅亞洲代理專門店，即係話在此所有貨品均以正價發售，價錢必定平過你去利時、金百利或其他水貨店。負責人Yvonne話開業半年，生意都算幾好，重吸引到不少名人如BoBo及楊其龍等嚟幫襯，好彩嘅話隨時撞到偶像。
呢條日本版Evisu，可以說係鎮店之寶，皆因呢個款連日本都斷晒，而香港全部分店只得此一件，咁搶手當然有佢特別之處，牛仔褲面為膠纖維製，睇落好似紅白藍膠袋，入面則用上棉質牛仔布，着上身唔怕唔舒服。
售價：$1,520
我不嬲有着開Evisu嘅牛仔褲㗎，貪佢款靚同襟着囉！
地址：中環威靈頓街43號新利大廈地下
電話：25253221
營業時間：星期一至四上午11:30-晚上9:30、星期五及六上午11:30-晚上10:00、星期日下午1:30-晚上9:30
伊騰日式傢俬開業已經有十年之久，一直都係以售賣日本梳化、牀、牀套及紙燈等家具及家庭用品為主，亦有由印尼返的貨品，生意一直都唔錯，不過近年就差咗少少，所以都破天荒做吓減價，益吓街坊兼刺激消費。
想屋企布置得完全日本Feel，不妨考慮吓呢套茶几連椅，全部用啡色MarineWood製，木櫈採用傳統日本跪坐式設計，加埋和布坐墊，坐低歎日本茶就夠地道風味。
茶几售價：$1,800
木櫈(連坐墊)售價：$2,000一張
小記就好鍾意佢呢度嘅和式牀套，無論質地同布花都好靚，不過每套閒閒哋過千，好似成張梳化牀買重抵。呢張Tri-Fold雙人梳化牀牀架以啡紅色MarineWood製，款式簡單易襯。
尺寸：54吋、75吋
售價：$6,450（連牀套及牀褥）
地址：中環威靈頓街64-66號地下
電話：28451138
營業時間：星期一至六上午10:00-晚上7:00、星期日上午11:00-下午5:00
提起日本音響品牌Nakamichi未必人人都識，不過音響發燒友就一定聽過佢個名，音色靚唔在講，最大特色係佢基本所有音響產品都可以掛牆擺放，啱晒屋企空間有限嘅香港人。
跟機附送藍、綠及灰的喇叭網，無論屋企係以乜嘢色系為主都無問題，而佢亦可以同時放入三隻碟，而Nakamichi音響的其中一大特色，就係每套產品均附有一大一小遙控，大的在開機時作Setting用，細的則方便平時使用，設計夠體貼。
型號：SoundSpace5
售價：每套$6,280
音響組合已經變成家中的裝飾之一，呢款菱形三碟式組合就係一個好例子。機身以銀色為主，設計簡單中帶點CyberFeel，菱形機身分為四格，一格是Display畫面，另三格則可放CD，重連埋後面一個低音喇叭，真正係聽得又睇得。
型號：SoundSpace9
售價：每套$27,800（不連長座）
地址：中環威靈頓街26號地下及一樓
電話：25269866
營業時間：上午10:00-晚上9:00