近年俄羅斯電腦遊戲廠商嘅技術同心思，經已完全追貼歐美同業，唔信嘅話，就要立即睇吓Akella新發表嘅《SeaDogsII》有幾掂！
《SeaDogsII》嘅玩法集角色扮演同動作於一身，遊戲中玩家所扮演的船長，將可依照自己的目標，在17世紀的加勒比海創一番事業。基於遊戲中的世界完全動態化，玩家基本上可以話想點就點，無論你想做海盜帶住班手足四圍搶劫同尋寶，抑或做個平實嘅貿易商人，《SeaDogsII》都可滿足你嘅要求。
講到隻Game最激之處，當然就係海戰場面，尤其兩艘戰船相接時，玩家更可指揮下屬跳上敵船進行肉搏戰，打到對方投降為止。
文：李淮
開發：Akella
預定發售日期：2002年春季