歐寶車廠自推出Zafira之後，便廣受車迷歡迎；同時，廠方為迎擊福特快將推出嘅Fusion，故將會喺嚟緊3月舉行嘅日內瓦車展上，展出一款全新嘅小型MPV車，實行與之抗衡。
呢部仍未有確實名字，暫時被稱為ConceptM嘅小型MPV車，賣相可謂十分吸引，除外形夠Cute外，而且重流露出一分年輕活力感㖭；而車尾一組直立式尾燈布局，亦能給予尾隨駕駛者有明確嘅提示。
至於車廂布局方面，廠方為迎合不同用家嘅需要，故會為新車設計出一個寬敞嘅車廂空間，而設備配搭亦見齊全，但由於新車仍在設計階段，故確實配搭仍有待廠方公布有關資料後方可作實。另外，新車又會配用一台能輸出148匹馬力嘅1.6公升Turbo環保引擎，從而令新車可有不俗嘅性能表現；有興趣嘅車迷，記住到時要留意一吓喇。