中國人民銀行行長戴相龍匆匆來港，參加國際結算銀行會議，噚晚出席總商會晚宴，吸引逾六百人捧場；中銀、滙豐、恒生等一大班銀行家在座，袁天凡太太李慧敏都有起身問問題；任志剛同葉澍堃就陪住戴行長坐主家席。科大亦有一枱，係班MBA學生，佢哋有發問，重博得行長大讚普通話水平高。
記者都有好多問題想問，行長則謂好樂意回應，可惜冇機會，點解？因為食完飯演完講已經九點幾，戴行長要趕住去深圳，馬上要走。主人家總商會總裁翁以登話，行長唔可以再同大家傾落去，因為冇二十四小時通關──咁大條「罪」，煲呔點頂呢？
E-mail：