年僅十四歲的「亞洲神童」張如城，跟廖偉雄和林敏驄等人合作拍無綫搞笑節目《香港鬆一鬆》不久，即傳出他有個麻煩阿媽，不時在拍攝時意見多多，要求改劇本，弄至《香港鬆一鬆》的台前幕後人員不滿，並計劃在新一輯時，有意將這個麻煩神童Out出局。
十四歲的「亞洲神童」張如城出道至今，出席任何場合，張母一定陪伴在側，形同經理人一樣，非常緊張地為乖仔打點一切。不知是否愛子心切，張如城在拍攝無綫搞笑節目《香港鬆一鬆》時，監場的張母都不時加插意見，令人不勝其煩。
縱使張如城所拍的《香港鬆一鬆》是擺明車馬的搞笑節目，但張母仍堅持愛子走的是正氣路線，故不時在《香》節目中拒絕搞笑，甚至試過要求為遷就如城，而將寫好的故事抽起，要將角色改至她滿意後才肯拍。
記者昨日致電《香港鬆一鬆》的監製蕭國雄，對於張如城有個麻煩母親的傳聞，監製蕭國雄說：「佢媽咪比較緊張啲啫，好保護如城個形象，唔係幾肯搞笑。試過有個故事係講如城喺羅湖火車站失蹤，但佢阿媽話唔想令人想起某單新聞，所以唔肯做。如城喺節目不時俾阿驄、阿燦打，佢媽咪亦都反映過叫我哋唔好成日虐待佢個仔，其實做戲啫，你都知成班演員鍾意玩、鍾意搞笑。我哋都好遷就佢，好多時都等佢放學先拍。」
至於會否在添食的新一輯《香港鬆一鬆》中打算飛起張如城，蕭國雄說：「會唔會添食都未決定，不過開始拍第六集，唔會俾如城講咁多對白，唔係因為傳聞所講飛起佢，而係佢怕羞，唔敢講太多嘢關係。」而如城在節目中主要演出的「拉筋」環節，監製稱在第六集會取消，改由另一個故事代替。
被指是麻煩母親的張母，昨日她在電話對此傳聞回應說：「我冇聽過，亦都冇咁嘅事，如城乜嘢都拍，冇推過戲。不過我哋應承咗監製幫佢哋拍十集，之後重拍唔拍都未知，因為如城好多騷做，佢好忙㗎。」但監製指張母曾拒絕張如城拍攝一些橋段，張母說：「冇咁嘅事。」