搬咗Showroom、兼換埋代理嘅韓國起亞（Kia）汽車，自去年亞Mark披露咗有關消息之後，佢哋仍然一直保持低調嘅作風，而幕後策劃嘅新代理商，至今仍未見有進一步交代詳情；適逢年尾香港一班汽車傳媒，個個都要趕住年尾前嘅截稿時間，所以重未有時間追擊落去。
之不過，最近亞Mark就收到風，話起亞嘅新代理商，竟然搵到一位車壇猛人出任佢哋嘅SalesManager，佢係邊個？之唔係我哋久違咗好耐嘅梁國思（NicholasLeung）囉！Nicholas早年曾出掌皇冠汽車（即豐田代理）嘅SalesManager，及後轉咗去三菱一段時間，之後就專心搞國內嘅房地產業務；今勻佢靜極思動回流香港，睇嚟起亞繼後又會有一番作為喇！