最近有的士老友同八方講，話發叔黃宏發早前坐的士時，唔好彩漏低咗一隻表，搞到要打去報失熱線，希望尋回失表。
八方奇怪發叔唔似咁緊張身外物，到底係乜名貴表咁巴閉，唔通係金勞？原來話係發叔戴咗好多年兼好有感情嘅古董陀表。無論身在立法會或大學教緊書，除咗煲煙之外，發叔在懷中攞隻陀表出來睇已經成為慣性小動作。𠵱家一下子唔見咗，又難怪佢坐立不安，想盡辦法要搵返出來。
不過發叔都好低調，在的士台失物廣播中只係話一位外籍男子遺下陀表，唔多想公開立法會議員身分。八方聯絡過發叔想問佢搵番隻表未，但佢𠵱家身在日本，惟有希望隻表盡快物歸原主。
（圖）發叔𠵱家身在日本，希望佢隻陀表可盡快物歸原主。
E-mail：