今日正正年初七人日，即是人人生日，應該煮番幾味特別菜式慶祝一下！就等身為福建人兼係立法會議員嘅蔡素玉，為大家示範幾味福建傳統菜式啦，煎五香卷、蒜爆五花腩、閩式煎魚都係福建人過節嘅靚餸。
記者：葉少萍
攝影：關文慧
蔡素玉小檔案：
職業：商人
所屬團體：民主建港聯盟、香港協進聯盟等等。
呢味煎五香卷據蔡議員媽咪講，佢哋鄉下每逢節日都會炮製畀親戚朋友享用，𠵱家有喜慶節日都唔少得佢，而蔡議員就話用豬肉做餡，食落特別鬆軟，先將佢蒸熟，然後煎到金黃色靚一靚，入口表層脆卜卜，咬落中間啲餡又鬆又軟，真係又靚又好味。
材料： （4人分量）
豬肉1斤(剁爛)
馬蹄10粒(切碎)
洋葱半個(切碎)
腐皮1塊
葱2條
小貼士
豬肉可選用五花腩，入口會更好味，不過可能會肥膩啲。