第三度發病 或停工開刀<br>肥姐膽管炎嘔到似噴泉

第三度發病 或停工開刀
肥姐膽管炎嘔到似噴泉

沈殿霞近日為新劇不停開工,她昨日透露於年廿九時身體不適,嘔吐大作,去了法國醫院看病,發現自己患上膽管發炎。現要等其家庭醫生診斷後,才決定是否要馬上入院開刀。

沈殿霞(肥姐)昨日與元華在大角嘴海富街街市拍攝無綫新劇《我要fit一fit》。只見肥姐一臉倦容,未埋位時坐在一旁休息,原來她膽管發炎。

「心口背脊都痛」
肥姐表示於年廿九感身體不適,便到法國醫院睇街症,她說:「我年廿八拍嘢拍到半夜兩、三點,突然間心口背脊都好痛,又作嘔,導演叫我返屋企休息,後來我嘔到好似噴泉咁,醫生話我膽管發炎呀,我𠵱家好攰,講嘢都冇力。」
原來肥姐今次已是第三次患膽管發炎,她二十多年前初患此病後,於十多年前又再復發,當時她以為已根治,最近竟又再度病發。

「我瘦咗好多磅」
肥姐說:「真係好辛苦,等星期二我個家庭醫生返嚟睇我乜情況,先知要唔要開刀。如果佢話要(開刀),就要立即停工㗎,監製都話身體緊要,都好就我。唉,我呢幾日都瘦咗好多磅,油炸嘢全部唔食得,最慘係過年到𠵱家都未打過麻雀,真係好鬼驚開刀呀。」

膽管發炎上腹作痛
據香港大學醫學院外科學系盧寵茂教授指出,膽管發炎的主要成因是膽石結聚在膽管內,並阻塞膽汁流出而造成細菌積聚,因而出現膽管發炎的現象。
盧教授表示病患者會出現發燒、右上腹作痛以及雙目發黃等病徵。至於因膽石而造成膽管發炎的治療方法,盧教授表示現行可以內窺鏡、膽管鏡或開刀做手術來清除管中的膽石。
採訪:王崇穎、汪正文
攝影:何國豪、汪正文