前排喺董建華宣布角逐連任有份發言嘅譚詠麟，噚日做咗香港領袖系列節目嘅最後一集壓軸嘉賓，作為香港著名藝人，唔知譚校長有冇興趣從政，喺政壇上做戲？
譚校長雖然冇正面回應，但對於藝人係咪政治冷感，校長就話以前殖民地時期，大家都會漠不關心啲，但𠵱家就講一國兩制，回歸祖國，喺轉變期已經開始要發表意見，如果唔係人哋唔知你想點。
譚校長歎道，唔知啲人係咪講開咗，於是好又講，唔好又講，他認為大家應用時間同空間去吸收吓，皆因「家和萬事興，家衰口不停」。對於阿董做特首，譚校長當然支持到底，一於「特首一職不作他人選」。
（圖）譚校長對於自己將來會否從政不置可否。
E-mail：