渣打高層人事變動已經傳咗好耐，噚日英國嗰邊傳出會搵個香港大嘅華人C.K.Chow做主席，如果係，都係香港嘅光榮。在銀行界，美資嘅梁錦松、英資嘅鄭海泉，都未去到國際銀行第一把手嘅位；雖然，佢哋都前途無限。
講開渣打，佢哋第六年冠名贊助嘅馬拉松長跑，今個禮拜日舉行。聽渣打中人講，今年參賽人數創出新高紀錄，共逾一萬三千人，其中包括不少國際頂級高手，如埃塞俄比亞的DubeJilo同吉爾吉斯坦的IrinaBogacheva，佢哋去年分別捧走男女子冠軍獎盃，今年捲土重來。渣打大班王冬勝曾經親自上街為比賽宣傳；佢話咁多人參賽，好開心。禮拜日青馬大橋，亦可能見到佢跑埋一份。
（圖）王冬勝曾為比賽做宣傳，禮拜日佢好有機跑埋一份。
E-mail：