美股上禮拜五唔妥，港股難免受到影響。Put輪短期內會也文也武。
兩隻恒指Put輪9049同9066可以吼吓，開市升幅唔超過7%嘅話，值得博些少，不過唔適宜坐盤坐得太耐，因住港股跌後反彈。估計恒指跌二百幾點之後，有機會升番。
兩隻Put輪同時喺7月底到期。9049現價23.4仙，溢價5.3%，槓桿率9.4倍；9066現價21.3仙，溢價4.9%，槓桿率8.9倍。
中煤Call輪9197上周五勁跌17%，死火輪榜上排第6。正股（003）過去幾日急升，由9.80元彈上10.70元，上周五散30仙，收10.30元，令到隻輪死火。
中煤喺國內搞嘢，又經常回購，近期大量成交，基金落行，遲早升破11元。
9197今年8月到期，現價95仙，溢價3.4%，槓桿率10.8倍，好爆炸。
正股見11元（只升7%），9197溢價就算縮番得2%（有幾個月壽命，唔可能咁快得番零溢價），9197值1.52元，上便水位有60%，係短中線發財輪。