張燊悅早前赴日拍新歌MV時忙裏偷閒，除花掉約一千二百港元勁擦北海道凍蟹宴外，更試玩當地時興的跑步拖狗機，結果張燊悅只玩了五分鐘已經令她香汗淋漓。記者朱芷瑩東京直擊
張燊悅（Nicola）早前在日本東京，為即將推出的新碟拍攝MV，以及洽談接拍新一輯「無比滴」電視廣告，雖然五日工作排得密密麻麻，但Nicola也沒有待薄自己，趁公餘時間大擦北海道凍蟹宴，又在遊戲機中心試玩當地時興的跑步拖狗機。
Nicola留日期間，到位於新宿的一間食蟹專門店品嘗北海道凍蟹宴，並點了凍蟹、蟹膏及燒蟹等美食，雖然埋單盛惠約一千二百多港元，不過Nicola說：「咁都值嘅，偶然食一次啫！我覺得好好味，同埋做嘢咁辛苦，食餐好啲嘅當慶祝吓囉。」
Nicola歎完蟹宴後，隨即又前往附近的遊戲機中心打機，她大玩打鼓機、搖鈴機及時興的跑步拖狗機。Nicola玩拖狗機時，更與遊戲中的惡犬劇戰連場，惡犬非常麻煩，既要識狗女又要搵食物，控制狗兒的Nicola要在傾斜的板上邊跑邊拖狗，難怪不消五分鐘，她已跑到不斷喘氣兼香汗淋漓。
事後Nicola說：「基本上我玩拖狗機嗰陣時，係完全唔知發生乜事，但跑到我好辛苦，成身出晒汗，咪當食飽飯減肥囉。」