好動的鍾麗淇日前在舊機場試玩小型賽車、打保齡和桌球，玩得似模似樣。
鍾麗淇表示一向喜歡小型賽車，並自命在賽車場上是個鬥心頑強的人。鍾麗淇說：「我喺多倫多同內地都玩過小型賽車，有次同十幾個朋友玩，嗰時我淨係諗住贏，結果我真係贏咗，啲男仔冇晒聲。」
不過她在舊機場試玩當日，與三名參賽者同場比賽，結果她只能屈居亞軍，敗給一名十三歲的黃毛小子，賽後她對記者說：「個小朋友好聰明，我搵咗好多次機會想過佢，點知都俾佢頂住過唔到，最衰咁快完啦，唔係我實追到。」
此外，有傳鍾麗淇與前度男友梁榮忠復合，對此她並沒正面回答，只說：「我同忠仔係好熟，佢係個好人。」
採訪：汪正文
攝影：羅德光
場地提供：KartingMall啟德保齡球會