大年初二晚維港上空璀璨嘅煙花，為香江新春總算帶嚟些少喜慶氣氛。八方睇過贊助今次煙花滙演嘅香港廣東社團總會份名單，總共有九十二個機構同個人捐咗錢，超過三百幾萬元，其中好多政商界名人。
不過，捐得最多嘅唔係超人首富李嘉誠，又唔係頭號政要霍英東，而係一個署名「沈先生」嘅神秘人，佢一個人就捐咗一百三十萬元！重有另一個「楊先生」又捐咗一百萬，呢兩個神秘人係何方神聖？八方問過裕華老闆余國春，佢嘅答案係：「都係愛國愛港人士。」
不過，廣東社團總會嘅首席會長咁啱又姓沈，叫做沈廣河（圖），唔知佢係咪神秘人之一呢？
E-mail：